امریکہ میں سیاہ فام جوان کو قتل کرنے والے پولیس اہلکار پر فرد جرم عائد

مہر خبررساں ایجنسی نے رائٹرز کے حوالے سے نقل کیا ہے کہ امریکی عدالت نے سیاہ فام نوجوان کو بے دردی سے قتل کرنے والے سفید فام پولیس اہلکار پر فرد جرم عائد کردی ہے جب کہ قتل کی ویڈیو منظر عام پر آنے کے بعد شہر میں ایک بار پھر ہنگامے پھوٹ پڑے ہیں۔ سفید فام پولیس اہلکاروں کے خلاف عائد فرد جرم میں کہا گیا ہے کہ نوجوان سڑک پر جھومتا ہوا جا رہا تھا کہ پولیس اہلکار نے نوجوان کو 16 گولیاں ماریں جس سے وہ موقع پر ہی ہلاک ہو گیا۔ دوسری جانب پولیس کی جانب سے جاری ویڈیو میں واضح طور پر دیکھا جا سکتا ہے کہ  2 پولیس اہلکاروں نے سیاہ فام نوجوان کے پاس گاڑی روکی اور باہر نکل کر سیاہ فام نوجوان پر بندوقیں تانیں اور پھر ایک اہلکار نے نوجوان پر گولیاں برسا دیں۔ واضح رہے کہ گزشتہ برس اکتوبر میں شگاکو میں سفید فام پولیس اہلکار نے راہ چلتے 17 سالہ سفید فام نوجوان لیکوان میکڈونلڈ کو فائرنگ کر کے قتل کر دیا تھا جس کے بعد پورے شکاگو میں ہنگامے پھوٹ پڑے تھے۔